قصه بقلمي (كامله)

بلا عنوان

(الجزء الأول)

تعريف بالشخصيات الأساسيات:
الإسم:فهد بن ........
العمر:32 سنة
المهنة:يعمل في شركة والده
نبذه عن حياته:الأخ الأكبر,حاد الطباع,متزوج من
نوره ,ولديه فتاة أسمها تمارا
.................................................. .................................
الإسم:فيصل بن........
العمر:22سنة
المهنة:طالب جامعي
نبذة عن حياته:الأخ الأوسط,وسيم الشكل,غير
متزوج,والأقرب لاخته
.................................................. .................................
الإسم:عبير بن.........
العمر:18سنة
المهنة:طالبة جامعية
نبذة عن حياتها:فتاة رائعة الجمال,غير
متزوجة,تحب أبن عمها سعود وهو لا يحبها
.................................................. .................................
الإسم:عبد الله بن........
العمر:11سنة
المهنة:طالب في المدرسة
نبذة عن حياته:أكبر إهتيماماته الكمبيوتر
.................................................. .................................

كانت عبير فتاة وحيدة بين 3إخوان (فهد- فيصل-عبد الله)
يوم الجمعة في البيت الساعة 5العصر
عبير:صباح الخير
أبوفهد:أي صباح ما تشوفين الساعة كم
عبير:يبا اليوم إجازة ما فيها شئ إذا طولت بالنومه شوي بس غريبة ما رحت للشركة اليوم خير عسى ما شر
أبو فهد:لا ما في شئ ولا حسبالك إنتي بس عندك إجازة
ويرن جوال أبو فهد
أبو فهد:ألو ..وشو..لاإحنى وقعنا العقود مع الشركة
وتروح عبير للمطبخ عبير:صباح الخير يا أحلى أم
أم فهد:صباح النور
عبير:خير ليش في المطبخ
أم فهد:بيجي عمك عبد الرحمن عندنا
عبير وهي مستحيا:لحالو
أم فهد:لا كلهم بيجون عياله و زوجتوا
وركضت عبير تتزين عشان سعود(هم عائلة مفتوحة ما يتغطون عن بعض) عمهم عبد الرحمن عندوا 3بنات خلود29سنة متزوجة وعايشه بدبي,سارة20سنة تدرس في الجامعة غير متزوجة,نوف16سنة تدرس في المدرسة وسارة ونوف صدقات مقربات لعبير ,وولد واحد هو سعود21سنة المدلل إلي كل شئ يجي لعندوا,من يوم الأولاد ما كانوا صغار كانوا يقولوا عبير لسعود وسعود لعبير وما في نقاش بالموضوع أبدا


(الجزء الثاني)


الآن الساعة8بالليل وجاء العم عبد الرحمن (أبو سعود)
أبو فهد:حيا الله أبو سعود شلونك عساك بخير
أبو سعود:الحمد الله بخير يا خوي, أسمع عاد مب جاي أتقهوا أنا اليوم جيتك في موضوع كنا متفقين عليه من زمان وجيت اليوم أسويه رسمي
أبو فهد: خير ياخوي وش الموضوع
أبو سعود:أنا اليوم جيت أخطب يد بنتك عبير لولدي سعود ها وش قلت
أبو فهد: أنت تدري وش رأي بالموضوع أنا موافق ومن زمان وهذي الساعة المباركة
(وبالمجلس عند الحريم)
أم سعود: بما أنو البنات فوق أبي أقولك موضوع
أم فهد:ها أمري
أم سعود:إنتي تدرين من يوم الأولاد ماكانوا صغار وحنا خاطبين سعود لعبير واليوم جينا عشان نسوي الأمر رسمي ها وش قلتي
أم فهد:هذي الساعة المباركة
أم سعود:خلاص أجل أدق عليكي عشان نحدد متى الشبكه والعرس
أم فهد:مب لازم يصير في فترة خطوبة
أم سعود وهي منزعجة:خلاص أجل على راحتكم
عبير يوم عرفة طارت من الفرح وعلى طول اتصلت بصديقتها المقربة ريناد إلي تحكيلها كل أسرارها
عبير:ألو..
ريناد:هلا والله شلونك
عبير:تخيلي وش صار
ريناد:وش صار
عبير: سعود طلب يدي
ريناد:بالله لا هذي يبلها جلسة وش رأيك نروح بكرة لحياة مول
عبيرk ما عندي مانع الساعة كم
ريناد:7ok
عبير:تمام أجل الساعة 7أمرك ونروح يلا باي
ريناد:باي
وفي اليوم التالي الساعة4عصرا فيصل توا راجع من الجامعة
فيصل:السلام عليكم
الكل:وعليكم السلام
عبير:فيصل أبروح عند ريناد توديني
فيصل:وين السواق
أبو فهد:السواق مع أمك راحة للسوق
فيصل:متى الآن
عبير:لا الساعة6ونص إيه وبعدين نبي نروح لحياة مول لوسمحت
فيصل:لا ما تبين أنزل معاكم بعد
عبير:الله لو تسويها تصير بطل
فيصل:يلا عاد مبقى إلا هي ,أنا بروح أنام لا صارت الساعة 6قوميني
عبير:على هل الخشم
وراح فيصل ينام
عبير:يبا
أبو فهد:وحطبة داري وش تبين كم؟
عبير:الله يخليلنا إياك ولا يحرمنا من مخباك قول آمين يا أحلى أبو
أبو فهد:آمين بس أخلصي كم؟
عبير :أبد مب كثير 1000ريال
أبو فهد:1000ريال لتمشية أجل لو بتشترين شئ كم بكون
عبير:تستكثر على بنتك الوحيدة 1000ريال لا وهذا أنت أبو فهد أجل لو إنسان عادي وش بتسوي
أبو فهد:خوذي الله لا يطيح أحد بالسانك مدري على من طالعه
عبير:ما رحت بعيد البركة في أمي
أبو فهد:والله إنك صادقة بس بس لحد يسمعنا الحين ويفضحني عند أمك
ويدخل عليهم فهد
فهد:السلام عليكم
أبو فهد + عبير:وعليكم
فهد:عبير روحي قولي للشغالة تسوي قهوة
عبير:إن شاء الله
وراحة عبير تقول للشغالة
عبير:ميــــــــــــري ميــــــري
ميري:إيس في إنت كتير في صرخ
عبير:أقولك روحي سوي قهوة
ميري:طيب إن شاء الله
عبير:خذي المعمول معاكي
ميري:ليس إنت وين في روح
عبير:وأنتي وش دخلك خليكي في صحونك وملاعقك يلا يلا
ميري وهي رايحة للمطبخ :تيــب تيــب إنتي في واجد قرقر


(الجزء الثالث)


الآن الساعة 6وراحة عبير تقوم فيصل
عبير:فيصل... يلا قوم... فيصل... يلا الساعة 6... قوم يلا
فيصل:يووووه خير وش فيه
عبير:يلا عشان توديني يلا بلييز
فيصل:أف ياكثرك
عبير:يلا عاد
فيصل:طيب يلا هذا ني قائم
وراح فيصل مع عبير عند بيت ريناد ,نزلت عبير من السيارة ودقة الجرس (ترن ترن) ,انفتح الباب
عبير:السلام عليكم
ريناد:وعليكم
عبير:يلا ترى أخوي هو إلي بودينا
ريناد:هه ليش ما علمتيني أستحي أركب معاه ,ولا مرة ركبت معاه
عبير:يلا عاد السواق مشغول وما كان قدامي إلى هو
ريناد:لحظة أقول لمامي
وبعد شوي
ريناد:طيب يلا بس بيجي أخوي الصغير بدر معناok
عبيرkما في مانع بس يقعد عاقل ما يزعجنا
وركبوا البنات السيارة وهم يتغطوا بطرحة خفيفة
ريناد:السلام عليكم
فيصل وعيونوا قدام:وعليكم السلام
لما وصلوا حياة مول
فيصل:من بجيبكم
عبير:مدري يمكن السواق
فيصل:طيب مع السلامة
ودخلوا البنات لحياة مول يتمشون
إلى وهم عند محل ناظروا هذاك الرجال إلي يطالعهم
ريناد:عبير شوفي هالقمر إلى يطالعنا
عبير:وين
ريناد:هناك شوفي
عبير:صدق ما يستحي على وجهوا شوفي شلون يطالعنا كأنوا بحياتوا ما شاف بنات
ريناد:إسفهيه ما عليكي منو خل نمشي يلا
لما خلصوا البنات تمشيه راحوا للمطاعم وأخذوا آيس كريم واجلسوا بالجلسات المفتوحة ,وفتشوا عشان ياكلوا الآيس كريم
ريناد:خذ بدر هذي البطاقة رح إلعب
وبعد لحظات إلا في واحد يطالعهم ويرسلهم بلوتوثات وهم يرفضون ,وبعد شوي قام من مكانه وجاء عندهم
الولد:السلام عليكم
محد رد عليه
الولد:أنا إسمي أحمد
عبير:خير وش تبي
أحمد:أبي أتعرف عليكي
عبير وبكل إستحقار:بترجع مكانك ولا ناديت السكيورتي
أحمد:طيب ليش ممكن أعرف
عبير:لأنك حقير وما تستحي على وجهك
أحمد:طيب ليش الغلط أنا ما غلط عليكي عشان تقوليلي هذا الكلام
عبير:إنت غلطت علي من يوم ما فكرت تقوم من مكانك وتجي تكلمني
ريناد:يلا خلينا نروح
أحمد:خلاص خليكم أنا إلي بروح
عبير:أحسن
راح أحمد وجلس مكانوا
ريناد:شفتي وقاحتوا
عبير:ما عليكي منو
وهم طالعين
ريناد:شوفي مو هذا هو الولد إلي قبل شوي يعاكسنا
عبير:إلا والله وش يسوي
الولد من بعيد يكلم بنت ثانيه:يا قمر أنت يا حلو عطنا وجه آه يا معذبهم
عبير:لازم أربيه
ريناد:وش بتسوين
عبير:تعالي معي
وراحة عبير عند أحمد
أحمد:دريت أنك ابترجعيلي
عبير:آآآآآآآآه يا ناس يا هوووو أحد يساعدني إلحقوني
ريناد:سكيورتي ألقوها الولد هذا قاعد يغازل صديقتي
ويفرك أحمد من بين الحشد إلي سوه البنات قبل ما يجي السكيورتي
حتى البنتين هجو ما يبو فضايح(تقال يعني إلي سوه مو فضيحة)
وفيصل بالتحليه بالكافي شوب مع أصحابة مرة بنت زي القمر وقدام طاولتهم طاحت أكياسها ,وقام فيصل(طبعا مسوي فيها شهامه)يساعدها
فيصل:تفضلي
البنت:شكرا....
فيصل:...أنا أسمي فيصل
البنت:وأنا أمل
فيصل:للأسف ما رح أشوف هالقمر مره ثانيه
أمل:هذا رقمي.....باي
فيصل وهو طاير من الفرح:باي....
أمل(فتاة جميله من عائلة غنيه عندها أخت واحده وأخان إثنان محمد ونواف)
لما رجع للطاوله
سلطان(صديقه):ها تطورات بدينا نغازل
فيصل:لا هذي غير
سلطان:ألحين ما سألت نفسك أنا ليش أطل معك للسوق؟..علشان البنات يعطوني وجه..ومع كذا كل إلى مرو علي كانو بموتون عليك وأنت ولا هنا وش معنا هذي
فيصل:هذي ملاك
سلطان:أسمها ملاك
فيصل وهو يناظره من طرف عينه:لا..تصدق..قم قم بس خل نروح للإستراحة

(الجزء الرابع)

والبنات بالسيارة راجعين للبيت
ريناد:يا إنتي قوية يا شيخة
عبير:أجل بتحسبين بأمررلوا الأمر بالساهل لا أجل ما عرفتني
ولما وصلوا للبيت إلا بنات عمها عندهم
ساره:السلام عليكم,ها وش سويتي بالسوق
نوف:قبل وين صديقتك
عبير:راحة لبيتها,خليني أقولكم وش صار معي ,حكتلهم السالفة من أول
البنات:كاااااكااااكاااا بالله سويتي فيه كذا
ساره:والله أنو يستاهل أجل(وهي تقلد صوت رجال)"عرفت إنك بترجعيلي" يلعن أبو الثقة إلي فيك يا شيخ
وفي الإستراحة عند الشباب
أحمد:السلام عليكم
فيصل:هلا والله بحميد (يا صغر الدنيا طلعوا أصدقاء)تعال وش فيك أكيد غازلت بنات وصكوك بنعال
أحمد:لا تستبعد سووها معي بنات الإيه
الشباب كلهم:هاااااهااااا
فيصل:ساد تستاهل عشان ما تسويها مره ثانيه, بس ما قلتلنا وش صار
سعد(صديقهم):ما يحتاج يقولك كل شئ باين من وجهه
ويحكيلهم أحمد السالفه
فيصل:يا بنت الإيه صدق أنها قوية
أحمد:بس تصدق على كل إلي سوتا فيني بس هالبنت إدخلت مزاجي يا أخي ما أدري ليش أفكر فيها
سعد:بسيطة يا بابا عشانها أول بنت تهبل فيك كذا ولا تهتم لجمالك
سلطان:حتى فيصل صار معاه موقف أسمه ملاك
وناظره فيصل بإستحقار وبعدها محد تجرأ يقول كلمه
فيصل:أحمد ترى الفيلم حقك عندي بالبيت بتجي تاخذوا ولا بكره أجيبلك إياه
أحمد:لا أبيك توصلني للبيت وبالطريق تعطيني الشريط
فيصل:ليش وين موترك
أحمد:نسيته من الروعة وجيت بتكس
فيصل:يلا أجل مشينا
ولما وصلوا لبيت فيصل
فيصل:أدخل للخيمة هذا أنا جاي
عبير في البيت جالسة بالصالة مع أبوها
أبو فهد:عبير روحي جيبيلي الجرايد من الخيمة
عبير:إن شاء الله
وراحة عبير للخيمة وكان أحمد يقرا الجريدة وهو رافعها عند وجهوا(يعني مو باين وجهوا)
عبير:هلا فيصل أبوي يبي الجريدة عطني إياها
أحمد:خوذيها
عبير في حالة صدمة!!!و بعد لحظات:وآآآآآآآآآآآآ وتنحاش
ومحد منهم شاف الثاني
أبو فهد:وين الجرايد؟
عبير:في أحد بالخيمة
أبو فهد:يمكن هذا صديق فيصل لأنه توا جاي
عبير (بينها وبين نفسها تقول)هالصوت مو غريب علي
فيصل:عبيـــرعبيـــر
عبير:هــــاا وش تبي
فيصل:وين الفلم إلي كان على الطاولة
عبير:مادري شفو يمكن بالدرج
فيصل:خلاص لقيتوا
عبير:من إلي بالخيمة
فيصل:صديقي أحمد
عبير:!!!!! ليصير أحمد هو نفسو أحمد
فيصل:الحمد الله على العقل وش تبربرين
عبير:لا ماعليك
عبير وهي ماشية :معقولة لا لا يمكن إيش جاب فيصل لأحمد,لازم أتأكد
وتروح وتقز من شباك الصالة (لمن لا يفهم يعني تختلس النظر)
وتشوفهم وهم طالعين و أحمد كمان شافها(والمدمخ فيصل ما يدري عن السالفة)
الإثنين (عبير-أحمد) في حالة صدمة
عبير:معقول لا
أحمد وهم في السيارة:فيصل أنت عندك خوات
فيصل: وحدة بس ليه
أحمد:لا أبد بس ولا مره سمعتك تتكلم عن أختك(أجل هذي أكيد أخته يا فشلتي منك يا فيصل)ما ظني قالتلوا أو بتقولوا
وفي الليل دق فيصل على أمل
فيصل:ألو...
أمل:عفوا مين معي
فيصل:أنا فيصل إلي في الكوفي شوب اليوم
أمل:أهاااا..أهلين فيصل
فيصل:بتصدقين إذا قلتلك أنك أول بنت أكلمها بالجوال
أمل:طبعا لا معقوله مع جمالك هذا ولا مره كلمت
فيصل:أحلفلك طيب بإيش
أمل:لا تحلف ولا شي..لا أنا أعرفك ولا إنت تعرفني
وطلعت عبير من غرفتها وسمعتوا
عبير(وبصوت واطي):أفاااااا أجل هذي سواليفك يا فصيلوه
أمل:معليش أعذرني أنا لازم أقفل ألحين
فيصل:مع السلامه...
وراح فيصل وفتح الباب إلا هل الغبية ورا الباب
عبير وهي خايفه:ترى ماسمعتك تكلم بنت ولا شئ....اوبس أنا قلت بنت صح
فيصل وهو معصب:إن قلتي حرف واحد بس قصيت إلسانك قص
عبير:تمام أفندم ...بس ما قلتلي منهي!!
فيصل:هااا أجل تبين تعرفين منهي
عبير:يعني إذا سمحت
فيصل:يا ربي من أول مره أنصاد ..لا ومن مين بعد من أم إلسانين بكره تصير فضيحتي على كل ألسان يا ويلي....
عبير:وش تبربر
فيصل:أنقلعي من قدامي لا أسوي جريمه ألحين
عبير:لا خن أفرك بجلدي أجل
وفي بيت أمل..في غرفة نوم البنات
ريم(أخت أمل عمرها 22سنه مخطوبه ورح تتزوج بالصيف)
ريم:من كنتي تكلمين
أمل:هذا واحد اليوم.....وحكتلها القصة
ريم:مجنونة أنتي أسكتي بس لايسمعكي محمد وبعدين وش يفكنا من إلسانوأ
أمل:الله على جمالوا وكلاموا قمر ربينا يحفازواا
ريم:أسمعي عاد لاتكلمينوا
أمل:بس باين عليه طيب
ريم:هاه..
أمل:طيب خلاص.....وقعدت تغني.. أجمل إحسان بالكون إنك تعشاء بجنون ودا حالي معاك....
وبعد كم يوم راح فيصل لأحمد علشان يوديه معاه للجامعة
وهم بالطريق طلعت عليهم سياره وبووف وصار الحادث


(الجزء الخامس)


فيصل بالعناية المركزة وأحمد ما صارلوا شئ مجرد جروح سطحية
الدكتور:احنا نحتاج لدم بسرعة
أحمد:أنا بتبرعلوا
الدكتور:فصيلة دمك إيش
أحمد : فصيلة دمي o
الدكتور:بسرعة يلا
وفي البيت رن التلفون
أبو فهد:ألو....إيه نعم.....إيش....أي مستشفى
أم فهد+عبير:يبا وش فيه
أبو فهد:فيصل صارلوا حادث وهو بالمستشفى
أم فهد:يما ولدي لا وش فيه
عبير:يما يلا خل نروح مع أبوي
وفي المستشفى
أبو فهد:ها يا دكتور وش فيه ولدي
الدكتور:تطمن الحمد لله قدرنا نوقف النزيف بسرعه وكل هذا بفضل الله ثم هالولد إلي كان معاه بالسيارة وهو إلي تبرعلوا بالدم
عبير:معقولة صدق أنه ولد ناس(وكبر أحمد في عيون عبير وبدت تفكر فيه ليل ونهار)والإعجاب مع الوقت صار حب من كل الطرفين
وبعد بضعت أسابيع
يدق تلفون البيت
عبير:ألو..
أحمد:هلا حياتي..شلونك
عبير:بخير... أنت شلونك
أحمد:ما ودك تعطيني رقم جوالك عشان أقدر أدق عليكي بكل راحة أحسن من كل ما رد علي أحد غيرك أسكر بوجهة
عبير:سوري ما أقدر
أحمد:طيب وش صار بموضوع ولد عمك
عبير:والله مني عارفة وش أسوي.....أحمد لو أبوي وافق عليك بتتزوجني
أحمد:طبعا يا قلبي
عبير:يلا يلا باي في أحد جاي
ويدخل فيصل:عبير تعالي ساعديني
عبير:طيب....يلا إجلس..ما قلتلي متى بفكون الجبس عن رجلك
فيصل:بعد شهر...
عبير:وعن يدك؟..
فيصل:بعد أسبوعين..
عبير:وعن.....ويقاطعها فيصل وهو يقول:خلاص صجيتي راسي أف كلامك ما يخلص
وتدخل أم فهد
أم فهد:شوي شوي على وليدي حشا ذبحتيه
عبير:إيه إيه أوقفوا ضدي بس عشان أبوي مب عندكم أستفرتوا فيني أدري..
ويدخل أبو فهد
عبير:آآآآه ألحقني يا يبا أكلوني
فيصل:أعوذوا بالله منك...حشا مب أخت عدوا
أبو فهد:وش فيكم على بنيتي مستقوين عليها
عبير:هاهاهاااي(تضحك ضحكه شريره)
أم فهد:أحنا مستقوين عليها....والله هي الي محد سلم من إلسانها
فيصل:أي أي(مسوي نفسه تعبان)
أبو فهد:بسم الله عليك وش فيك
فيصل وهو يقول لعبير:موتي حره يالدبه تحسب محد مدلع غيرها
والكل قامو يضحكون ويدق تلفون فيصل
فيصل:ألو..
أمل:هلا والله..وينك زمان ما دقيت
فيصل:معليش صارلي كم يوم بالمستشفى
أمل:خير سلامات
فيصل:الله يسلمك..حادث سياره بس الحمد لله جت بسيطه
أمل:سلامات حبيبي
فيصل وهو مو مصدق:وشو قلتي
أمل:حبيبي...
فيصل:الله أنا ألحين بس صرت بخير
أمل:مع ليش أعذرني لازم أسكر..باي
فيصل:باي
عبير:مين..
فيصل:واحد صديقي
أبو فهد:وصديقك برضوا تقوله وش قلتي ولا وش قلت
فيصل:أنزلت الياء بالغلط
عبير(وهي تستهبل):إيه صح ..تصير لي كثير
أم فهد:بس سكتوا فشلتوا الولد شوفو شلون خدودوا حمرة
فيصل:خلاص عاد...الواحد ما يجلس معاكم
عبير:قم كانك تقدر...أصلا أنت ما تخطوا خطوه من دوني
فيصل:الله لا يحيجني لكي في يوم
عبير:الله حاجك وقضيت....حره
أبو فهد:بس عاد عيب
ويدخل عليهم فهد ونورة
فهد+نورة:السلام عليكم
الكل: وعليكم السلام
عبير:نورة تعالي أبيكي بموضوع
نورة:طيب هذا أنا بجي بس خالتي تبي ريناد لحظة
وتروح نورة عند غرفة عبير
نورة:خير وش السالفة...أشوفك مستانسة
عبير:ميته من الفرح
نورة:خير....
عبير:أنا اليوم كلمت أحمد وقالي أنو أبوي إذا وافق عليه بيجي ويخطبني
نورة:والله إني فرحانه لك,...تعرفين ذكرتيني بقصتي مع فهد
عبير:ليش كان عندكم قصة؟...
نورة:إيه من زمان ..ما أتوقع أنك تتذكرينها
عبير:لا وشو..
نورة:أبى قولك إياها من الأول..في يوم أنعزمت على عرس صديقتي وفي العرس دخلت غرفه في الفندق عشان الكوفيرا تزين شعري وبعدين أنسدحة على السرير لأني كنت مواصلة,إلى ويدخل على واحد ما عرفوا هاذا هو فهد أنا يوم شفتوا أنهبلت وصارخة هو يا حرام من الروعة اخترش وهج,وبعدها جتني صديقتي وأنا بالغرفه وقالت:خير وش فيكي
قلتلها:دخل علي واحد من الرجال
صديقتي:وأنتي وش دخلكي هذي الغرفه إلي فيها بابين
قلت:وأنا وش دراني
صديقي:مع ليش خيرها بغيرها....بس يا ترى مين إلي دخل؟ ألحين ما في أحد بالصالة...ودقت على زوجها.......وبعدين قالتلي أنو هو واحد من أصحاب زوجها وأنو أنهبل يوم شافني وأنو بدا يسأل عني
رديت عليها وقلت لها وليش أساسا يسأل عني ,قالت:أنو ممكن يخطبكي, عاد أنا أول ما سمعت هالكلمه ما صدقت خبر وقلت عطيه الرقم عشان أكلمو وأتعرف عليه بس ها لا يصير لعاب مو صدق بيتزوجني وراحت صديقتي لزوجها وعطتوا الرقم وقالتلو أهم شئ لا يصير لعاب,وبدا يدقدق علي ونتكلم وحبيتوا وهو حبني وقالي في يوم أنو اليوم بكلم أبوه عشاني
عبير:بعدين وش صار.....
فهد:نورة يلا خالنروح للبيت
نورة:لا أنا بجلس وبرجع مع السواق..
فهد:طيب باي..
عبير:كملي يلا ..
نورة:تعرفين أنو بكره يوم زواجنا..
عبير:صدق..بتسويلوا مفاجأه ..
نورة:إيه...بعد شوي بروح وأوصي على كيكه واشتري شموع ..أبملي البيت شموع..وبودي ريناد عند أمي
عبير:ياي رومانسيه..متى أسوي لأحمد كذا........المهم وبعدين وش صار
نورة:دق علي فهد وقالي انو ابوه ما وافق
عبير:لا ليش.........
نورة:لان ابوكي كان مخطط يزوج فهد لبنت عمه
عبير:مين خلود؟؟؟؟؟؟
نورة:ايه.......وبعدين قالي انتي تحبيني؟ قلت: ايه قال: اجل تتزوجيني قلت: واهلك قالي:ما عليكي من اهلي اهم شئ انت موافقه ؟قلت:ايه.....واهلي شلون قالي:انا اقنعهم قلت:طيب وجانا من بكرة وخطبني واكثر شئ حيرني انو شلون خلاهم يوافقوا....بس وبعدين تزوجنا وحط اهلوا تحت الامر الواقع وطبعا قاطعونا مدة سنة كاملة الين ما جبت انا ريناد بعدها عمي دق على فهد وقالوا انو يبي يشوفني وريناد عشان يتعرف علينا ويومها قالي شوفي يابنتي انا مو ضدك بس انا كنت معطي كلمه لاخوي والبنت كانت تحبوا علشان كذا كنت مستحي من اخوي وما ادري وش اقولوا يومها قال لفهد انو عمو سامحوا على شرط انو عبير لسعود ووافق عمي طبعا
عبير:يا سلام ..وانا لعبا بلاي

(الجزء السادس)


وبعدين رجعت نورة لبيتها بعد ما حطت ريناد عند امها .... ومن بكرا الصباح بعد ما راح فهد للشغل بدت نورة تزين البيت من شموع وورود وبلالين ولما صار الليل وحان وقت جيت فهد سمعت صوت الباب ينفتح بعدين دخل فهد للبيت وشاف البيت متزين بالشموع والنور مسكر فقالت نورة:اهلين حياتي
فهد:وش هذا
نورة:اليوم يوم زواجنا نسيت حبيبي
فهد:صدق انك فاضيه وما عندك سالفه.....انا بس بروح اغير وانام .....
نورة بعد ما دخل قعدة تصيح من قلب وبعد شوي الى يطلع فهد ومعاه بكيت ورد وهديه ويقول :معقوله انسى احلى يوم في حياتي يا حياتي وقامت نورة ومسحت دموعها
وقالتلوا بغيت تخرب علي احلى يوم في حياتي ......فهد انا حامل
فرح فهد مره وكملوا هو ونورة الليله وكانت من احلى الليالي الي عاشوها مع بعض.........
وبعد حوالي شهرين في بيت ابو فهد
في الصبح ..... دق التلفون
عبير:ألو..
أحمد:هلا حياتي...أنتي ما عندكي جامعه اليوم
عبير:إلا عندي...هذا أنا بروح
عبير:باي...
أحمد:أستني عطيني فيصل
عبير: طيب لحظة...فصولي فصلينوا فصيلوه
فيصل:وش فيه لعبتي بأبو أسمي
عبير:رد صديقك..
وراحت عبير للجامعه شافة ريناد
عبير:هاي..
ريناد:هيتين...وش أخبار الحب الجديد
عبير:جنان جنــــان والله جنان..تعالي أحكيلك
.... ولما إرجعة للبيت
دخلت غرفتها تنام لما قامت
انزلت تشوف أهلها وينهم
يدق جرس الباب ترن ترن..وتروح ميري تفتح الباب
ويدخل ولدعمها سعود
سعود:السلام عليكم
عبير ومن غير نفس:وعليكم
اسغرب سعود وقال:بالعادة لما أجي تطيرين فرح
عبير:من أول
سعود:ليش وش معنا
عبير:أبد صحيت نفسي من الوهم إلي كنت فيه
سعود:كويس عشان ما تعبيني معاكي
عبير:سعود أبا أسألك سؤال
سعود:وشو
عبير:إنت تبي تتزوجني
سعود:لا..
عبير:طيب ليش ما تفسخ خطوبتك
سعود:مجنونة إنتي؟ ليه
عبير:بس أنا ما أبيك
سعود:غصبن عليكي تبيني إنتي لي مو لغيري سمعتي
عبير:أنت ما تحبني وش تبي فيني
سعود:إنتي ملكي ,حقي فاهمة
عبير:مو قبل شوي كنت ما تبيني وأنا كمان مابيك
ويسمعها فهد بالصدفة
فهد:وشو
ويجي أبو فهد وأم فهد
وش السالفة
فهد:أسمع يبا وش تقول بنتك...تقول أنها ما تبي سعود
عبير:إيه يبا أنا أحب واحد ثاني ما احب سعود
ويجيها هذاك الكف الطاير مليونين من أخوها فهد
ويدخل فيصل وتروح تتخبى وراه من الخوف
فيصل وهو حاضن عبير:وش السالفة
فهد:المدام قال ما تبي سعود عشان تحب واحد غيرة
فيصل:وشو... صدق هذا الكلام يا عبير
عبير:إيه.. بعد أنا أحبه وهو يحبني
فيصل ترك عبير وأخذها فهد من شعرها ونزل فيها طق وحبسها بغرفتها وقال لها (زواجك من سعود الأسبوع الجاي رضيتي ولا لأ)
أبو فهد طاح تعبان من بعد الكلام إلي قالتوا عبير
أم فهد:فهد فيصل ألحقو أبوكم
فيصل وفهد:يباااا
شال فيصل وفهد أبوهم وودوه لغرفتو
وبعد يومين راح فيصل لعبير وقالها
فيصل:مين هو يا عبير..مين
عبير: ....
فيصل:قوليلي مين هالخسيس
عبير:أحمد....صديقك
فيصل: .....شلون
وراح فيصل بسرعة لعند أحمد بالإستراحه ومسكوا وقعد يطقوا
فيصل:يا كلب ...يا خسيس....أنت تسوي فيني كذا...وهذا أنا معتبرتك أعز أصدقائي ..تفوو عليك يا خسيس
والشباب كلهم يفكون فيصل عن أحمد
أحمد:وش السالفة؟؟؟؟
فيصل:لا ومسوي نفسوا برئ بعد...
وطلع فيصل من الإستراحه وهو معصب وواصل حده... وفي البيت راح فيصل عند عبير لقاها تصيح فيصل حن قلبوا عليها
عبير:لاتصير سويت فيه شئ
فيصل: كل هذا خايفة عليه هو ما يستاهل دمعه من عيونك
عبير:أنت ما تعرف هو بالنسبة لي وشو,فيصل أنت أعز أخواني وأكثر أنا أحبه صدق ومستعده أضحي بحياتي على شانه
فيصل:للدرجة هذي تحبينه على العموم ما رح يمديكي تضحي بأي شئ خلاص الإسبوع الجاي زواجك
عبير:وبابا ما قال شئ
فيصل:هه أبوي من ذاك الوقت وهو مرقد بالسرير تعبان ما يدري شو بقول لأخوه
عبير:تعبان..أبغى أشوفو
وراحة عبير عند أبوها
أبو فهد وهو موخر وجهه ما يبي يشوف وجهها:خير
عبير:يبا لا تسوي معي كذا ....إذا كانت موافقتي بترد لك سلامتك وبتخليك راضي علي فأنا موافقة
أبو فهد:صدق..إيه ألحين إنتي بنتي
وراحة عبير لغرفتها وهي تبكي
فيصل:ليش سويتي كذا
عبير:عشان الكل يرتاح
فيصل:على حساب نفسك
عبير: ........
وصار اليوم المحدد(يوم العرس)
في مجلس الرجال والشيخ جالس يكتب عقد الزواج
أبو فهد:لا.......العروس ما هي موافقة
وراح الأبو عند عبير وقال :أسمعي يا بنتي أنا مستحيل أبني سعاتي على تعاسة بنتي
فهد:بيا
أبو فهد:أوص ولا كلمة هذي بنتي وأنا حر فيها وإلي مو عاجبوا يطق راسوا بالجدار
فيصل:آحلى يا يبا,جاكي الفرج يا عبير ,روحي....روحي دقي عليه خليه يجي ما دام الشيخ موجود.
جرت عبير التلفون ودقت على أحمد
أحمد:ألو
عبير:أحمد
أحمد:عبير!!!!
عبير:أحمد أبوي أبوي رضا أنك تتزوجني
فيصل:وأنا متى بيجي دوري
أم فهد:توك صغير لاحق على رزقك
احمد:لا يما ترى انا معجب بوحدة ابيكي تخطبيلي ياها
أم فهد:صدق كبرنا وعيالنا كلهم بيتزوجون
عبد الله:وانا طيب ما تبون تزوجوني
ام فهد:هذا الناقص......ها ابو فهد وش رايك نزوج الاثنين عبير و فيصل
أبو فهد:أنا ما عندي مانع روحي واخطبيلوا البنت
.................................................. .........
القصه إلي قرأتوها قبل شوي كانت بصوتي انا "عبير"....
كثير منكم كان يتمنى انو النهايه تكون كذا ...حتى انا
لكن الواقع وللاسف غير كذا الدنيا ظالمة وبحياتها ما كانت كذا إلى في القصص والخيال ولكن الحقيقه غير كذاالحقيقه المرة هي
اببدا في فيصل :وآآآآآآه من فيصل
فيصل زي ما قلت لكم راحوا أهلي يخطبون لو أمل لكن للاسف اهلها ما وافقوا ودمروا حياة اثنين..... فيصل وأمل زعلوا على بعض كثير ومن شد زعل أمل على فيصل مرضت كثير فقرروا اهلها انو يسفروها للخارج على شان تتعالج وهي في الخارج جانا هذاك الخبر الي كلنا ما كنا نتوقعوا ....خبر وفاة أمل...
فيصل:لا لا أمل لألألألألألألألألألألأ .......كان طول الليل والنهار يبكي على أمل إلي اخذت عقلوا وروحوا وقلبوا معاها وراحت ..راحت وتركت هذي الدنيا الزايله وراها تركت فيصل.. وجرح فيصل.. وقلب وعقل فيصل.. راحت الغاليه على قلبوا.. راحت الي عايش في هالدنيا علشانها..وظل فيصل على هالحاله اكثر من شهر وهو لا ياكل لا يشرب لا يتكلم .........
وفي يوم من الايام دخلت عليه اصحيه على شان ياكل ولو لقمه.... دخلت ولقيتوا لقيتوا ميت ميت ميت روحي وحياتي راح اخوي حامل افراحي واحزاني راح راح كانت هذي اللحظه لا يمكن انساها لا يمكن انساها .......وبعد كم يوم دخلت غرفتوا لقيت زي الكتاب مكتوب فيه شعر وكلام حب واسم امل ولقيت شئ لفت نظري كاتب كلام عن أمل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
بسم الله الرحمن الرحيم
حبيبتي عبير :.....................
يا الغاليه انا اسف اني خليتك لحالك في هالدنيا بس
لا تخافي ان شاء الله ربي معك .. انتي الوحيدة الي
حتفتقدي لي اكثر شئ وانا خايف عليكي من بعد موتي
بس ياروحي لا تزعلي ولا يضيق صدرك انا بروح لحبيبتي
أمل ....ولا ابيكي تبكي علي (هذا طلب مني لكي)....
أمل لا تخافي انا لاحقك ان شاء الله عن قريب عن قريب يا روحي وحياتي أنا من دونك ما اقدر اعيش في هالدنيا لحالي وين رحتي وتركتيني....
ملاحظة:لا تنسيني يا احلى اخت في هالدنيا وسامحيني اذا يوم وقفة في طريقك.............................
اخوكي فيصل

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
وتحت مره بالورقه كاتب ابيات اغنية راشد الي كلنا نعرفها المسافر راح :
لا تلوح للمسافر المسافر راح
ولا تنادي للمسافر المسافر راح
يا ضياع اصواتنا في المدى والريح
القطار وفاتنا والمسافر راح
يالله يا قلبي تعبنا من الوقوف
ما بقى بالليل نجمه ولا طيوف
ذبلت انوار الشوارع وانطفى ضي الحروف
يالله قلبي سرينا ضاقت الدنيا علينا
القطار وفاتنا والمسافر راح
مدري باكر هالمدينه وش تكون
النهار والورد الاصفر والغصون
هذا وجهك يالمسافر لما كانت لي عيون
وينها عيوني حبيبي سافرت مثلك حبيبي
القطار وفاتنا والمسافر راحهذا الي صار مع فيصل تحبو تعرفوا الي صارلي آآآآه
انا في يوم ملكتي على سعود كنت اتمنى اسمع صرخت ابوي وهو يقول لا بس للاسف ما قالها وتزوجت سعود بس الحمد لله احنا عايشين مع بعض ومستانسين ...صح انو اول الايام كانت صعبه وصعبت اكثر يوم ماتت امل واكثر يوم راح الغالي فيصل بس هاذانا عايشين والحمد لله وانا احب زوجي وهو يموت فيني ...وابشركم انا الحين عندي ولد وبنت سميتهم على اسم الغاليين فيصل و أمل على شان ما انساهم ابدا مهما صار
اما فهد ونورة صار عندهم أحمد (انا الي مسميوتوا بس لحد يقول) وبس هذي قصتنا احنا عايلة ابو فهد واتمنى انتم يا الابهات انكم لا تغصبوا على بناتكم الزواج من انسان ما يحبونه ولا توقفون في طريق سعادتهم..........
وشكرا

اتمنى ان القصه عجبتكم